स्वास्थ्य मन्त्रालयका नयाँ प्रवक्ता गौतम

२५ जेठ, काठमाडौं:

स्वास्थ्य तथा जनसंख्या मन्त्रालयको प्रवक्ताको जिम्मेवारी डा. जागेश्वर गौतमले पाएका छन् । यस अघि प्रवक्ता रहेका डा. विकास देवकोटाको साटो गौतम प्रवक्ता भएका हुन् ।

गौतम स्वास्थ्य मन्त्रालयमा हालै सरुवा भएर आएका थिए । यसअघि परोपकार प्रसूति गृह तथा स्त्री रोग अस्पतालका प्रमुख रहेका गौतमलाई समन्वय महाशाखाको जिम्मेवारीसहित प्रवक्ता तोकिएको मन्त्रालयका प्रशासन प्रमुख रघुराम विष्टले जानकारी दिए ।

स्वास्थ्य मन्त्रालयले यसअघिका प्रवक्ता डा। विकास देवकोटालाई भने गुणस्तर मापन महाशाखाको जिम्मेवारी दिएको छ । उनी कोरोना महामारी सुरु हुनुअघिदेखि मन्त्रालयको प्रवक्ताको जिम्मेवारीमा थिए ।