पहिलो बोली 
प्रतिकात्मक तस्विर 
२४ जेठ, बुटवल:
पाल्पा जिल्लाको स्थानीय तहका एक जनप्रतिनिधिलाई शनिबार अख्तियार दुरुपयोग अनुसन्धान आयोग बुटवलले घुस लिदाँ पक्राउ गरेको छ । अख्तियारको टोलीले रुपन्देहीबाट उनलाई नियन्त्रणमा लिएको हो ।
रैनादेवी छहरा गाउँपालिका वडा नं ७ का वडाध्यक्ष देवेन्द्र पुनलाई टोलीले आज बिहान पक्राउ गरेको हो । बिहान करिब ८ बजे रुपन्देहीको सैनामैना नगरपालिका वडा नं १० झिमझिमे भन्ने स्थानबाट एक काठ व्यवसायीबाट रु तीन लाख बुझ्दै गरेका अवस्थामा नियन्त्रणमा लिएको आयोगका सूचना अधिकारी सुरेश भुसालले जानकारी दिए ।
अभियुक्त पुनलाई आफ्नो वडामा रहेको काठ लिलाममा ती व्यक्तिलाई मिलाइदिने भनी आश्वासन दिएर रकम माग गरी बुझ्दै गरेका अवस्थामा नगदसहित नियन्त्रणमा लिइएको सूचना अधिकारी भुसालले जानकारी दिए ।
