लुम्बिनी अस्पतालमा उपचाररत थप २७ जनाले जिते कोरोना

२३ जेठ, काठमाडौंः

नेपालमा भएका कोरोना संक्रमितमध्ये उपचाररत थप २७ जनाले कोरोना संक्रमणलाई जितेका छन् । लुम्बिनी प्रादेशिक अस्पतालमा उपचाररत रहेका २७ जनाले कोरोना संक्रमणलाई जितेका हुन् ।

अस्पतालमा उपचारर रहेका ३३ जनामध्ये २७ जनाले कोरोना संक्रमणलाई जित्न सफल भएको अस्पतालका सुचना अधिकारी डा. विष्णु गौतमले बताए । पछिल्लो पटकको परिक्षणमा उनीहरुको रिपोर्ट नेगेटिभ आएसँगै उनीहरुले कोरोना संक्रमणलाई जित्न सफल भएको उनले बताएका छन् । बाँकी ६ जनाको भने अस्पतालमा उपचार भईरहेको छ, जसमध्ये ३ जना आइसियुमा छन् भने ३ जना आइसोलेसनमा उपचाररत रहेका छन् ।

लुम्बिनी प्रदेशिक अस्पतालबाट यस अघि पनि १९ जना कोरोना संक्रमणलाई जितेर फर्किसकेका छन् । आज थप संक्रमित निको भएसँगै यस अस्पतालबाट निको हुनेको संख्या ४६ पुगेको छ ।