वैदेशिक रोगजारीमा युएई गएका २५० जना नेपाल आउँदै

२३ जेठ, काठमाडौंः
नेपाल सरकारले आजबाट विभिन्न देशमा वैदेशिक रोजगारीका लागि गएकाहरुलाई उद्धार गरेर नेपाल ल्याउँदै छ । पछिल्लो समयमा विश्वभर कोरोना संक्रमणका कारण बढेको महामारीले गर्दा उनीहरुलाई उद्धार गरेर स्वदेश ल्याउन लागिएको हो ।

उद्धार भएर नेपाल आउने क्रममा संयुक्त राज्य इमिरेट्सबाट आज २५० जना नेपाल आउँदै छन् । उनीहरु बिमानस्थलमा बेला भएर बिहानैबाट काठमाडौं आउने उडान पर्खिरहेका छन् ।

युएईको बिमानस्थलमा भेला भएका उनीहरुलाई एयर अरेबियाको बिमानबाट नेपाल ल्याउन लागिएको गैर आवासिय नेपाली संघ एनआरएनले जनाएको छ । बिहान १०ः ४० को बोर्डिङ्ग पास पाएका उनीहरुको उडान भने ११ः २० को रहेको छ । युएई सरकार, नेपाल सरकार र विमान कम्पनी बिचमा समन्वयको अभाव भएकाले उडान समयमा थपघर हुनसक्ने एनआरएनले जनाएको छ ।