घरभित्रै बसेर पढ्न सकिन्छ ई-पुस्तक, इन्टरनेट र मोबाइलमा यसरी पढ्न मिल्छ ई-बुक

२२ जेठ, काठमाडौंः

विश्वमा कोरोना भाईरसको प्रभाव झनझन बढ्दै गएको छ । नेपालमा पनि हालसम्म कोरोना संक्रमणका कारण २ हजार ३ सयभन्दा बढि संक्रमित फेला परिसकेका छन् भने ९ जनाको मृत्यु भईसकेको छ ।
विश्वस्वास्थ्य संगठनले कोरोना संक्रमणबाट बच्न घरभित्रै बस्न आवश्यक भएको बताएको छ । सामाजिक दुरी कायम गर्नु नै यसबाट बच्ने मुख्य उपाय रहेको छ ।
यस्तो बेलामा कोरोना कहरले पुस्तक बजारमा पनि उत्तिकै प्रभाव पारिरहेको छ । नियमित पुस्तक पढ्नेहरुले अहिलेको समयमा बजारमा गएर पुस्तक किन्न सक्ने अवस्था छैन । यस्तोमा इन्टरनेट वा मोबाइल लगायतका उपकरणबाट पढ्न मिल्ने इबुल फलदायी हुने देखिन्छ ।

विश्वमा पछिल्ला समय लेखकले आफ्ना पुस्तकलाई इबुककै माध्यमबाट पनि प्रकाशित गर्न थालिसकेका छन् । यसो गर्दा कागजको खपतदेखि पुस्तकलाई एक ठाउँबाट अर्को ठाउँसम्म पु¥याउने चलन समेत विस्थापन भएको छ । छापाखानाको विकाससँगसँगै विश्वमा पुस्तक लेखन र पठनमा भएको चलनलाई ईबुक पढ्ने कुराले फरक बनाईरहेको छ ।
ईबुक पढ्नकै लागि भनेर किण्डल जस्ता उपकरणहरु पनि निर्मित छन् भने माबाईल, ल्यापटप ईत्यादी जस्ता उपकरणमा पनि पढ्न सकिन्छ । मोबाईलमा एप डाउनलोड गरेर पनि पुस्तक पढ्न सकिन्छ । यसमध्येका केही एपहरु, जसमा विना कुनै शुल्क पुस्तक पढ्न सकिन्छ, तीनीहरुको तल चर्चा गरिएको छ ।

एनिबुक्स
म्युजेज् ल्याबद्वारा निर्मित एप एनिबुक्सान लाखौं पुस्तकहरु छन् । विभिन्न जन्राका गरि ५० हजारभन्दा बढि पुस्तक पाठकले सित्तैमा यो एपमार्फत पढ्न थाल्छन् । १ लाख पटकभन्दा बढि एन्ड्रोईड फर्ममा डाउडलोड भएको यो एपमा मेम्बरसिप नलिई कनै पनि पुस्तक पढ्न सकिन्छ । बिना कुनै लगइन, बिना कुनै झन्झट एनि बुक्समा भएका पुस्तकलाई एपकै सर्भरमा डाउलोड गरेर पढ्न सकिन्छ ।

लिथयम
लिथयम इबुक रिडर एप हो । ईबुकमा हुने पुस्तकका विभिन्न फर्महरु मध्येमा इपब फर्मको पुस्तक लिथयममा पढ्न मिल्छ । १० लाख पटकभन्दब बढि डाउनलोड भएको यो एपमा कुनै पनि इपब फर्मेटको पुस्तक खोलेर सजिल्यै पढन सकिन्छ । सँगै यसमा पुस्तकको अक्षरको आकार कत्रो बनाउनेदेखि हाईलाइट गर्ने, नाईट लाईट, रिडर मोड लगायतका सुविधाहरु पनि छन्, जसले इबुक पढिरहँदा पाठकलाई सहज महसुस गराउँछन् ।

वाटप्याड
वाटप्याडमा पनि एनिबुक्सको जस्तै पुस्तकहरु उपलब्ध हुन्छन् । आफ्नो फेसबुक वा गुगलमार्फत वाटप्याडको अकाउन्ट बनाएपछि यसमा भएका पुस्तकहरु पठन सकिन्छ । प्लेस्टोबाट १० लाखभन्दा बढि पटक डाउलोड भएको यो एप आइओएस र एन्ड्रोईड दुवैमा उपलब्ध छ । पढ्नसँगसँगै लेख्नमा पनि रुचि एकाको लागि वाटप्याडले बेग्लै राईटिङ्ग सेक्सन पनि उपलब्ध गराउँछ ।
मुख्य गरि यी एपबाट पुस्तकहरु पढन सकिन्छ । लिथियमबाहेकका एपमा पुस्तक नै उपलब्ध हुन्छन् भने लिथियममा फोनमा डाउलोडेड बुकहरु पढन मिल्छ ।
कहाँबाट पाउने इबुक?
एपमार्फत पुस्तक नपाएको खण्डमा विभिन्न् साइटमार्फत इबुकहरु डाउलोड गर्न सकिन्छ । यस्ता कतिपय साइटमा पैसा तिरेर मात्रै पुस्तक लिन पाईन्छ भने कतिपयमा भने निशुल्क पुस्तक उपलब्ध हुन्छन् ।
अर्काइभडटअर्ग, लाईबेरीजेनेसिस, ओभर ड्राईभ, ओपन लाईबेरी लगायतका केही वेवसाइटमा भने निशुल्क इबुकहरु उपलब्ध हुन्छन् । पुस्तकलाई कुन फर्मेटमा डाउलोड गर्ने भन्ने छानेर पिडिएफ, इपब, किण्डल लगायतका विभिन्न फर्मेटमा यी साईटहरुमा पुस्तक पाईन्छन ।