सामुहिक बलात्कारको आरोपमा चार जना पक्राउ

२१ जेठ, जनकपुरः

सिराहामा एक किशोरीको सामुहिक बलात्कार गरेको आरोपमा प्रहरीले चार जनालाई पक्राउ गरेको छ । सिराहास्थित गोलबजार नगरपालिका ३ की एक १५ वर्षिय किशोरीलाई बलात्कार गरेको आरोपमा चार जना पक्राउ परेका हुन् ।

सिराहा प्रहरीले दिएको जानकारी अनुसार गोलबजार नगरपालिका ३ स्थित गागन खोलामा किशोरीलाई सामुहित बलातर गरेको आरोपमा चार जना पक्राउ परेका हुन् । पक्राउ पर्नेमा नरहा गाउँपलिकाका २४ वर्षिय रामबुबा भनिने चन्देश्वर यादव, औरही गाउँपालिकाका २० वर्षिय अम्बर यादव र २३ वर्षिय जगनाथ यादव र सुखीपुर नगरपालिकाका १९ वर्षिय गोलु महत्व रहेका छन् ।

पीडित किशोरीको बयानका आधारमा इलाका प्रशरीले उनीहरुलाई पक्राउ गरेको हो । प्रहरी कार्यालय गोलबजारबाट खटाईएका प्रशरीले चारै जनालाई पक्राउ गरेको सिराहा प्रहरीका प्रव्क्ता बिनोद घिमिरेले बताए । अहिले चारै जना आरोपितलाई नियन्त्रणमा लिएर आवश्यक छानबिन तथा अनुसन्धान भईरहेको छ ।