कैलालीमा आइसोलेसनको अभाव

२१ जेठ, काठमाडौंः

नेपालमा पछिल्ला दिनहरुमा कोरोना संक्रमणको संख्या झन बढ्दै गईरहेको छ । दैनिक संक्रमित संख्यामा बृद्धि हुँदै गएपछि कतिपय अस्पतालहरुमा आइसोलेसन बार्ड भरिन थालेका छन् । धनगढीस्थित सेती प्रादेशिक अस्पताल र टीकापुर अस्पतालमा बिरामीको चाप अत्याधिक भएपछि आईसोलेसन भरिएको छ । अस्पतालमा उपलब्ध आइसोलेसन वार्ड भरिएसँगै बिरामी राख्न पनि समस्या उत्पन्न भएको छ ।

अस्पताल प्रशासनका अनुसार अस्पतालमा उपलब्ध आइसोलेसन वार्ड भरिएसँगै थप कोरोना संक्रमितलाई राख्न समस्या देखिएको छ । जिल्लाका दुई अस्पतालमा रहेका सम्पूर्ण आइसोलेसन भरिएका छन् । यसले गर्दा थपिएका संक्रमित बिरामीलाई अस्पतालमा राखेर उपचार गर्न समस्या उत्पन्न भएको छ ।

हिजो मंगलबारमात्रै नेपालभर थपिएका संक्रमितमध्ये १० जना कैलालीका थिए । कैलालीमा थप संख्यामा कोरोना संक्रमणका पुष्टि भएपछि सेती प्रादेशिक अस्पताले बिरामीलाई राख्ने आइसोलेसन वार्डको अभाव सिर्जना भएको बताएको छ । हालसम्म निर्माण गरिएका आइसोलेसन वार्डमध्येमा कैलालीका यी दुइ अस्पतालमा ३६ आइसोलेसन वार्ड थिए । सेती अस्पतालमा २४ र टीकापुर अस्पतालमा १२ वार्डका आइसोलेसन रहेको छ । तर, अहिलेसम्म यी क्षेत्रमा कोरोना संक्रमितको संख्या आइसोलेसनको भन्दा ज्यादा भईसकेको छ । सेती अस्पतालमा मात्रै अहिले कोरोना संक्रमितको संख्या २५ पुगिसकेको छ भने गौरीगङ्गामा कोरोना संक्रमण पुष्टि भएका थप ५ जनालाई पनि त्यह्ँि लैजाने तयारी भईरहेको छ ।

अस्पताल प्रशासनका मुख्य सुपरिटेन्डेन्ट डा. हेमराज पाण्डेले आइसोलेसन वार्ड अभाव भएको बेला थप संक्रमितलाई कहाँ राख्ने भन्नेमा समस्या उत्पन्न भएको बताएका छन् । उनले भने, ‘संक्रमितको संख्याभन्दा आइसोलेसन कम भइसक्यो । अझैं दैनिक संक्रमित थपिएका छन् । यस्तो बेला हामीले कहाँ राखेर उपचार गर्नु?’ सेतीमा जस्तै टिकापुर अस्पतालमा पनि मंगलबार ४ जना कोरोना संक्रमित थपिएपछि १ जनालाई आइसोलेसन वार्ड अभाव हुँदा बिरामीलाई कहाँ राख्ने भन्नेमा समस्या उत्पन्न भएप्छि अन्य वार्डमा राखेर उपचार भईरहेको अस्पतालले जनाएको छ ।