सिमा विवादमा अनावश्यक उत्तेजना होईन, सत्य र तथ्यको आधारमा वार्ता आवश्यकः नेकपा प्रवक्त श्रेष्ठ

जेठ २०, काठमाडौंः नेकपाका प्रवक्ता तथा पूर्व परराष्ट्रमन्त्री नारायणकाजी श्रेष्ठले नेपाल भारत नक्सा विवाद सम्बन्धमा भारतसँग विगतमा भएका सबै सन्धिसम्झौता खारेज गर्नुपर्ने माग राखेका छन् । मंगलबारको राष्ट्रिय सभा वैठकमा बौल्दै श्रेष्ठले भारतसँग हिजो भएका सम्पूर्ण सन्धि सम्झौतालाई पारस्परीक तथा समानतामा आधारिक बनाउन आवश्यक रहेको माग अगाडी सारेका छन् ।

श्रेष्ठले ऐतिहासिक तथ्य र प्रमाणको आधारमा रहेर वार्ताकै माध्यमबाट नेपाल–भारत सिमा समस्यालाई समाधान गर्न तयार भएको बताए । उनले सन्धिलाई पुनरावलोकन गर्ने सम्बन्धमा भने सन् १९५० ताका भएका सन्धि सम्झौताबारे व्याख्या गरेका थिए । वार्ताकै माध्यमबाट सिमा विवादलाई समाधान गर्न सकिने भन्दै श्रेष्ठले सभा वैठकमा भने, ‘भारतलाई कुटनितिक वार्तामा आएर सिमा समस्यालाई समाधान गर्न आह्वान गर्छु ।’

श्रेष्ठले भारतका सेना प्रमुखले केही दिनअघि नेपालबारे राखेको धारणा माथि आपत्ति जनाएका थिए । उनले भने, ‘नेपालबारे भारतका सेना प्रमुख र पूर्व सचिवको जुक किसिमको बुझाई रहेको देखिएको छ, त्यो सरासर आपक्तिजन छ ।’ दुवै देशले अनावश्यक आक्रोश, आवेश र उत्तेजनाभन्दा पनि सत्य र तथ्यका आधारमा अडिएर वार्ता गर्न आवश्यक रहेको श्रेष्ठको भनाई थियो ।

केही समयअघि नेपालले भारतद्वारा अतिक्रमण गरिएको लिपुलेक, लिम्पियाधुरा लगायतका नेपाली भुभागलाई समेटेर नयाँ कुटनितिक राष्ट्रिय नक्सा सार्वजनिक तथा जारी गरेको थियो । त्यस निर्णय माथि भारतका सेना प्रमुख मनोजमुकुन्द नरभानेले चीनको आदेशमा नेपालले यस्तो कदम चालेको भन्ने अर्थमा आफ्ना अभिव्यक्ति राखेका थिए ।