डा. गोविन्द केसीको १८ औं अनशन शुरु

२०७७–०२–२०/काठमाडौं

पटक पटक देशको चिकित्सा क्षेत्रमा सुधार हुनुपर्ने माग गर्दै आन्दोलनरत रहेका चिकित्सक डा. गोविन्द केसीले मंगलबारबाट दुई दिने अनसन सुरु गरेका छन् । डा. केसीले मंगलबार बिहानबाट दार्चुलाको सदरमुकाम खलंगामा १८ औं अनसन शुरु गरेका हुन् ।

दुई दिनका लागि घोषणा भएको अनसनमा डा. केसीले तीन सुत्रीय माग अगाडि सारेका छन् । ‘सिमाञ्चललगायत सबै नागरिकको समृद्धि, नेपालको सार्वभौमसत्ताको रक्षा तथा गुणस्तरीय शिक्षा र स्वास्थ्यमा सबैको पहुँचका लागि’ भन्ने घोषणा सहित उनले अनसन शुरु गरेका हुन् ।