पहिलो बोली 
२०७७–०२–२०/काठमाडौं
नेपालमा कोरोना संक्रमणलाई जितेर निको हुनेमा थप १८ जना थपिएका छन् । प्रदेश १ मा सोमबार थप १८ जनाले कोरोना संक्रमणलाई जितेर घर फर्किएका हुन् । झापाका १७ जना पुरुष र सुनसरीकी एक महिलाले सोमबार राती धरानस्थित वीपी कोइरुाला स्वास्थ्य विज्ञान प्रतिष्ठानबाट डिस्चार्ज भएका हुन् ।
पिसिआर परिक्षण गर्दा दुई पटक नतिजा नेभेटिभ आएपछि १८ जनालाई सोमबार राती डिस्चार्ज गरिएको हो । अस्पतालका प्रवक्ता डा. निदेश सापकोटाका अनुसार डिस्चार्ज भएका १८ जना १७ देखि ५२ उमेर समुहका रहेका छन् ।
थप १८ जना निको भएसँग प्रदेश १ मा कोरोना संक्रमणलाई जित्नेको संख्या ४८ पुगको छ । केही दिन अघि प्रदेश १ कै कोशी अस्पतालमा उपचाररत रहेका कोरोना संक्रमितहरुमध्ये ३० जना डिस्चाज भएका थिए ।
हाल प्रदेश १ मा कोरोना संक्रमण पुष्टि भएको कुल संख्या १६७ रहेको छ । संक्रमित मध्ये ८० जना धरानस्थित वीपी कोइराला स्वास्थ्य विज्ञान प्रतिष्ठान र अन्य ३९ जना बिराटनगरस्थित कोशी अस्पतालमा उपचाररत रहेका छन् ।
