काठमाडौंका चार ठाउँमा क्वारेन्टाइन बनाईने

२०७७–०२–२०/काठमाडौं– नेपालमा पछिल्लो समय कोरोना संक्रमणको जोखिम बढ्दै गएको छ । दिनानुदिन संक्रकितको संख्यामा बृति भईरहेको छ । जोखिम बढ्दै गएका कारण सरकारले काठमाडौंमा तत्कालै क्वारेन्टाईन तयार गर्ने भएको छ । काठमाडौंका विभिन्न चार स्थान खरीपाटी, इचंगु आवाक क्षेत्र, मनमोहन अस्पताल दहचोक र काठमाडौं मेडिकल कलेज दुवाकोटमा क्वारेन्टाइन निमार्ण गर्ने भएको छ ।
चार विभिन्न स्थानमा निर्माण हुने क्वारेन्टाइनमा १ हजार ७ सय बेड संख्या हुनेछन् । सहरी विकास मन्त्रालयको जिम्मेवारीमा यी क्षेत्रहरुमा क्वारेन्टाइन निर्माण गर्न लागिएको छ । यी चार ठाउँमा क्वारेन्टाइन निर्माण गर्न आवश्यक पर्ने योजना तयार गरेर निर्माण कार्य अगाडी बढाउने सहरी विकास मन्त्रालयका प्रवक्ता कृष्ण प्रसाद दबाडीले बताएका छन् ।
चार विभिन्न स्थानमा तयार गर्न लागिएको क्वारेन्टाइनमध्ये खरिपाटीमा ३ सय, इचंगुमा ४ सय र काठमाडौं मेडिकल कलेज र मनमोहन अस्पतालमा ५/५ सय संख्याको बेड क्षमताको क्वारेन्टाइन बनाउने योजना रहेको छ ।