पहिलो बोली 
महेश सिंह सिरहा १९ जेठ – सिरहाको लहान नगर पालिका २१ सर्हन्चियामा लकडाउन प्रभावित बिपन्न परिवारलाई राहत वितरण गरिएको छ । स्थानीय सरकारले वितरण गरेको राहत नपाएका र राहत लिन बाट छुटेका अतिबिपन्न परिवारलाई राहत अभियनताले राहत वितरण गर्न सिरहाको लहान नगरपालिका २१ सर्हन्चिया पुगेका थिए । बिपन्न बस्तीमा राहत दिन गएका महेश चौधरी र संगिता कर्माचार्यको जोडीलाई स्थानीय बासीले भब्य स्वागत गरेका थिए । राहत वितरण कार्यक्रममा नेपाली काङ्ग्रेसका चर्चित नेता सुर्य नारायण यादवको समेत कार्यक्रममा उपस्थिति रहेको थियो । नेता यादव स्थानीय पनि हुन् ।
राहत पाए पछि बिपन्न समुदायबाट चौधरी र कर्माचार्यको जोडीलाई खुशी भएर देउवा आए जस्तै फुलका माला अर्पन गरी स्वागत गरेका हुन् । यस्तो कोरोना महामारीको ख्याल नगरी बिगत तिन महिना देखि निरन्तर दिन दु:खीको सहारा बन्दै गएको सिरहा सप्तरी, उदयपुर लगायतका जिल्लाहरुमा ब्यापक चर्चा छ । अभियन्ताहरुले लहान २१ मा बिपन बस्तीमा ४५ घर धुरीलाई राहत दिएका हुन। चौधरीले पछिल्लो दिन लहान नगर पालिका १ कृष्णटोल र सिंगराहिमा ३५ घर धुरीलाई राहत वितरण गरेका हुन् । यो अभियान जब लकडाउन सम्म जारी रहने चौधरीले बताए। उनीहरुले प्रति परिवार १० किलो चामल , १ किलो नुन ,आधा लिटर खानेतेल , लगायतका दैनिक उपभेग्य सामग्रीहरु दान गरेका थिए।
मानवसेवा गर्नु नै सबैभन्दा ठुलो धर्म हो भन्ने धार्मिक बिश्वास रहेको राहत अभियन्ताहरुको भनाइ रहेको छ । महेश र संगिताले गरिरहेको कार्यको प्रसंसा सिरहा लगायत नेपालमा चर्चाको विषय बनेको छ । आफनो निजि लगानी र मनकारीहरुको सहयोग मार्फत निरन्तर राहत बितरण गरेको भन्दै उनीहरुलाइ विभिन्न ठाउंहरुमा सम्मान गरिएको छ।
