पहिलो बोली 
२०७७–०२–१९/काठमाडौं– सोमबार जयबागेश्वरीमा आकाशे पुल निर्माणका लागि शिलान्यास भएको छ । संघीय सासंद गगनकुमार थापा, प्रदेश सभा सदस्य नरोत्तम बैद्य, काठमाडौं महानगरपालिकाकी उपप्रमुख हरिप्रभा खड्की श्रेष्ठ, जयबागेश्वरी वडाका वडाध्यक्ष दिनेश डंगोललगायतसँगै अन्य वडा सदस्यहरुले संयुक्त रुपमा आकाशे पुलको निर्माणका लागि शिलान्यास गरेका छन् ।
पुलको निर्माणका लागि अनुमानित लागत ६४ लाख ९९ हजार ७५ रुपैयाँ ४५ पैसा रहेको छ । आकाशे पुलको निर्माण स्टिल ट्रसले गर्ने जिम्मा पाएको छ । शिलान्यासका क्रममा आकाशे पुलबारे जानकारी दिदैं वडाध्यक्ष दिनेश डंगोलले भने, ‘बागेश्वरी क्षेत्रमा सवारी साधनले ठक्कर दिएर धेरै पैदल यात्रुको ज्यान गएको छ । दुर्घटनाको जोखिमलाई न्युनिकरण गर्न र यो वडालाई पूर्वाधार सम्पन्न बनाउँन सार्न मिल्ने आकाशे पुलको निर्माण सुरु गरिएको हो ।’
शिलान्यास भएको पुलको निर्माण समयावधी ४ महिनाको राखिएको छ ।
