भारतबाट फर्किएका मजदुर बोकेको गाडी बाँकेमा दुर्घटना, १२ जनाको मृत्यु २१ जना घाइते

काठमाडौं– भारतबाट नेपाल प्रवेश गरेका मजदुरलाई लिएर आएको गाडी काँकेको राप्तीसोनारी–२ स्थित पूर्वपश्चिम राजमार्गको मुगुवा खोला नजिक दुर्घटना हुँदा १२ जनाको मृत्यु भएको छ । अन्य २१ जना घाइते भएका छन् । भारतबाट नेपाल आएका मजदुरलाई लिएर नेपालगञ्जबाट सल्यान जाँदै गरेको ना ५ छ ५९९५ को फोर्स गाडी राती १२ बजेतिर दुर्घटना भएको हो । ट्रकसँग ठोक्किएर भएको दुर्घटनामा १२ जनाको मृत्यु भएको छ ।

११ जनाको घटनास्थलमै र एक जनाको उपचारको क्रममा मृत्यु भएको बताईएको छ । दुर्घटनामा १२ जनाको मृत्यु भएको र २१ जना घाइते भएको बाँकेका प्रमुख जिल्ला अधिकारी रामबहादुर कुरुङवाङले जानकारी दिएका हुन् । घाइते २१ जनाको सबैको भेरी अस्पतालमा उपचार भइरहेको छ।