बिपन्नको सहारा बन्दै राहत अभियन्ता जोडी

महेश सिंह ,सिरहा ,६ जेठ – लकडाउन भएको दुई महिना बितिसक्दा पनि कहिले खुल्ला त भन्ने जनमानसमा चासो नहुने कुरै भएन। सरकारद्वारा विभिन्न क्षेत्रमा राहत वितरण गरिए पनि अझै पनि देशका विभिन्न स्थानमा गरिब जनताहरुले राहतको महसुस गर्न पाइरहेका छैनन्।सरकारको ध्यान नजादा नजादै, सिरहाको लहान नगरपालिका वडा नम्बर २२ मा राहत लिएर पुगेका महेश र संगिताको जोडी देख्दा स्थानीय जनताहरुमा खुशी छाएको थियो । उनीहरुले लहान नगर पालिका वडा नम्बर २२ सिसवनीमा २५ घरधुरीलाई राहत वितरण गरेका छन् । गरिब दलितमा सदा परिवारको घना बस्ती रहेको छ ।

राहतमा प्रति घर धुरी १० किलो चमाल, १ पोका तेल,१ किलो आलू ,१ प्याकेट नून, वितरण गरेका छन् ।राहत पाउनेहरुमा अतिबिपन्न,एकल महिला,असहाय ,बृद्ध/बृद्धालगायत २५ घर परिवार छन। महेश र संगिताको जोडी राहत लिएर गरिबको घरमा यसअघि पनि गएको थियो ।