पहिलो बोली 
५ जेठ, काठमाडौं ।
नेपाली युवक दिवेश पोखरेल आका”आर्थर गन”अमेरिकन आइडलको टप ५ मा प्रवेश गरेका छन् । टप ५ को घोषणा भएसँगै उपाधिका लागि भोटिङ खुल्ला भएको छ ।
दिवेशले अब उपाधिका लागि फाइनल राउन्डको प्रतिस्पर्धा गर्नेछन् । फाइनल राउण्ड पनि सुरु भइसकेको छ । यसमा प्रत्येक प्रतियोगीले दुई–दुई वटा प्रस्तुति दिनेछन् ।सबैभन्दा बढी भोट ल्याउने अमेरिकन आइडल घोषणा हुने छ ।
कोभिड–१९ को कारणले गर्दा प्रतियोगीहरु आइडलको फाइनलमा सबैले आ–आफ्नो घरबाटै प्रस्तुति दिइरहेका छन्।
टप ७ मा पुगेकाहरुमध्ये दिवेश पोखरेल सहित ४ जना विदेशी मूलका थिए । दिवेशसँगै डिल्लोन जेम्स, जस्ट साम, जोन्नी वेस्ट, फ्रान्सिस्को मार्टिन टप ५ मा पुगेका छन् ।
२२ वर्षीय दिवेशलाई उपाधिको दावेदारका रुपमा हेरिँदै आएको छ । काठमाडौंमा जन्मेका दिवेश उच्च अध्ययनका सिलसिलामा सन् २०१४ मा अमेरिका पुगेका थिए । उनी क्याम्सस राज्यको विचिटामा आफ्नो परिवारसँग बस्दै आएका छन्।
