धुलिखेल अस्पतालमा सुत्केरी महिलाको मृत्यु,स्वाब टेस्टका लागि पठाइयो

काठमाडौं, जेठ ३ गते । काभ्रेको धुलिखेल अस्पतालमा उपचाररत एक सुत्केरी महिलाको मृत्य भए पछि अहिले सर्तकता अपनाइएको छ । कोरोनाको लक्षण मिल्दोजुल्दो भएको र विरामीको मृत्यु भएपछि स्वाब टेस्टका लागि राष्ट्रिय सरुवारोग प्रयोशाला टेकु पठाइएको र त्यसको रिपोर्ट आउन बाँकी नै रहेको काभ्रका प्रमुख जिल्ला अधिकारी श्रवणकमार तिमिल्सिनाले बताउनुभयो ।
उहाँ धुलिखेल अस्पताल क्षेत्रमा अहिले आवतजावतमा रोक लगाइएको पनि जानकारी दिनुभयो । कोरोना संक्रमणको मिल्दोजुल्लो लक्षण भएकी एक महिलाको धुलिखेल अस्पताल मृत्यु भएपछि कोरोना रोकथाम जिल्ला कमाण्ड पोष्टको आकस्मिक बैठक जिल्ला प्रशासन कार्यालयमा धुलिखेलमा बसेको छ ।
सिन्धुपाल्चोक बाह्रबिसे घर भएकी २९ वर्षीया सुत्केरी महिलाको मृत्यु भएपछि अस्पतालमा के गर्ने भनेर जिल्ला प्रशासन कार्यालयमा बैठक बसेको हो ।
त्रिवि शिक्षण अस्पताल काठमाडौंमा केही दिन अघि सुत्केरी भएर घर फर्केपछि ती महिलमा कोरानाको मिल्दोजिल्दो लक्षण देखिएपछि धुलिखेल अस्पताल भर्ना गरिएको थियो ।
उनको उपचारकै क्रममा मृत्यु भएको बताइएपनि थप कुरा खुलाइएको छैन । विरामीको मृत्यु भएपछि उनको स्वाब परीक्षण अघि बढाइएको रिर्पाेट आएपछि के गर्ने भनेर जिल्ला प्रशासन कार्यालय काभ्रेको सभा कक्षमा आकस्मिक बैठक बसेको हो ।