एकबाट अर्को जिल्ला जान जारी गरिएका सवारी पास खारेज

काठमाडौं उपत्यकामा लागू नहुने काठमाडौँ– गृह मन्त्रालयले एक जिल्लाबाट अर्को जिल्ला जाने गरी यसअघि जारी भएका सबै अस्थायी सवारी पास खारेज गरेको छ । विभिन्न जिल्लामा कोरोना संक्रमितको संख्या बढेसँगै आवश्यक सावधानी अपनाउन यस्तो निर्णय गरिएको गृहमन्त्रालयका सहप्रवक्ता उमाकान्त अधिकारीले जानकारी दिए । यो नियम उपत्यकाका ३ जिल्लामा भने लागु हुने छैन । उपत्यकाभित्र आवागमन गर्न जारी गरिएका पासले उपत्यका बाहिर जान भने पाइने छैन । गृहको यो निर्णय कडाइका साथ पालना गर्न ७७ वटै जिल्ला प्रशासन कार्यालय, सातवटै प्रदेशका आन्तरिक मामिला तथा कानुन मन्त्रालय, नेपाल प्रहरी र सशस्त्र प्रहरीलाई निर्देशन समेत दिइएको छ । लकडाउन चैत ११ गतेदेखी भएको हो । आजसम्म दिइएका पासले एक जिल्लाबाट अर्को जिल्लामा भने जान पाउने थिए ।