गल्यांग नगरक्षेत्रबाहेक बाहिरबाट तरकारी ल्याउन नपाइने

स्याङ्जा संवाददाता ,

यहाँको गल्याङ् नगरपालिकाले आफ्नो नगर क्षेत्रबाहेक अन्यत्रबाट तरकारी ल्याउन निषेध गरेको छ । मंगलबार नगरपालिकाले विज्ञप्ती जारी गर्दै यस्तो निर्णय सार्वजानिक गरेको हो । कोरोना भाइरसका संक्रमितको संख्या बढ्दो भएपछि सतकर्ता अपनाउनुपर्ने भन्दै निषेध गरिएको नगरप्रमुख भुपराज अधिकारीले जानकारी दिए । नपाले नगरभित्रकै तरकारीलाई व्यवस्थापन गर्ने विकल्पसहित बाहिरबाट तरकारी ल्याउन निषेध गरेको बताएको छ । तरकारी ढुवानी गर्दा कोरोना भाइरस संक्रमणको जोखिम बढि हुने भएकाले गल्याङ नपा भन्दा बारिहबाट तरकारी ढुवानी नगर्न नगराउन अनुरोध छ, विज्ञप्तीमा लेखिएको छ । सूचनामा नगरभित्रै उत्पादित तरकारी खरिद विक्रीका लागि नपाले समन्वय गरेको अधिकारीले बताए । नगरभित्र तरकारी संकलन तथा वितरणका लागि नपासंगकै समन्वयमा तुलसीभञ्ज्याङ साना किसान कृषि सहकारी संस्थाले व्यवस्थापन गरिरहेको नगरप्रमुख अधिकारीले अवगत गराए ।