पहिलो बोली 
काठमाडौँ – ‘अमेरिकन आइडल’मा प्रतिस्पर्धा गरिरहेका नेपाली युवक दिवेश पोखरेललाई जिताउन उनकी हजुरआमा नै लागी परेकी छन्।
अमेरिकन आइडलको टप टेन भित्र परेका ‘नाती’दिवेश पोखरेललाई अमेरिकन आइडलको प्रतिष्पर्धामा अगाडी बढ्न भोटको जरुरत पर्ने हुँदा उनका शुभचिन्तकहरुले भोटिंग नै अभियान शुरु गरेका छन्।
पोखरेलको समर्थनमा काठमाडौँमा ब्यानर प्रदर्शन समेत भएको छ। शनिबार दिवेश पोखरेलकी ९३ वर्षीय हजुरआमा सहित स्थानीयहरुले कलंकी मन्दीर परिशरमा ब्यानर प्रदर्शन गरेका हुन्। नातीलाई अमेरिकन आइडलको प्रतिस्पर्धामा समर्थन जुटाउन ९३ वर्षीया उनकी हजुरआमा काठमाडौंको सडकमै समर्थन र्यालीमा सहभागी भइन्।
आफ्नो प्रतिभाले विश्वभरका दर्शकको मन जितेका दिवेश आइतबार हुने ‘टप सेभेन’का लागि दरो प्रतिस्पर्धीको रुपमा रहेका छन्। आईडलको शुरु देखिनै उनलाई विश्वभरका दर्शकले मन पराएका छन् भने कसैले दिवेशले नै टाईटल जित्ने विश्वास गरेको छन्।
अमेरिकन आइडल जस्तो विश्वविख्यात कार्यक्रमको त्यती माथिल्ले स्थानमा पुग्नु सारा नेपालीकै लागी गौरवको विषय भएको भन्दै प्रदर्शनमा सहभागी भएकाहरुले भोटिंग गरेर सहयोग गर्न सबैमा आग्रह गरे।
