काठमाडौं – कोरोना भाइरसको संक्रमण अमेरिकाका सबै राज्यमा फैलिएको छ ।समाचार संस्था सीएननका अनुसार कोरोना भाइरसको संक्रमण सबै ५० राज्यमा देखिएको छ भने १ सय ११ जनाको मृत्यु भएको छ ।
वेष्ट भर्जिनियामा मंगलबार एक व्यक्तिमा संक्रमण पुष्टि भएपछि अमेरिकाका सबै राज्यमा कोरोनाको संक्रमण फैलिएको हो ।
अमेरिकामा अहिलेसम्म झण्डै ६ हजार ५०९ जनामा कोरोना भाइरस संक्रमणको पुष्टि भएको छ ।त्यस्तै सन्चो भएर घर फर्कनेहरु १०६ जना रहेको छन्।
अमेरिकाले संक्रमण फैलिँदै गएपछि त्यसलाई रोक्नका लागि बजार बन्दसहित भिडभाड नियन्त्रण गर्ने प्रयास गरेको छ । त्यहाँ राष्ट्रिय संकटकाल समेत घोषणा गरिसकिएको छ ।
